Pasko

December 26, 2008

 Panimula 

Haay! Nakakabanas! Nakalimutan ko pa ang hudyat (password) ng aking panagutan (account) sa Windows XP; tuloy, hindi ko magamit ang aking mga talaksan (files), at kinailangan ko pang burahin lahat ng laman ng E:, at iluklok (install) muli ang Windows XP. Ngunit ayos lang, bukod sa pagkasayang ng aking panahon, hindi naman nawala nang tuluyan ang mga mahahalaga kong talaksan sa E:.

Ngayong Pasko, ‘di ko alam ngunit ‘di ko naramdaman ang “Paskong Pilipino” na sinasabi ng mga banyagang “pinakamahabang Pasko sa buong daigdig”. Mukhang umikli ang Paskong Pilipino ngayon: wala nang lubhang nagpapalamuti ng kanilang mga tahanan, ni wala na ring nagpaputok nitong Pasko.

Buti na lamang at nakatanggap ako ng isang pabigay mula sa aking pinsan, at mamahalin pa! Nakatanggap ako ng isang “Guiness Book of World Records 2009″.

Bukod sa pagkakamali sa pagkakalimbag nito (Sinasabi sa talata ng isang panid nitong “One of the best known is Rigel in the constellation…” habang sa isa namang mapaghambing na larawan ng nasabing bituin at araw, nakalagay na ang pangalan nito ay Reigel; maliit na pagkakamali lang naman.), lubha kong ikinagulat ’to nang nakita kong may-tala ang Pilipinas sa aklat na ito. Hindi si Pacquiao (Sinubukan ko rin siyang hanapin.), kundi isang tala ng Pilipinas bilang “PINAKAMARAMING PAGPATAY BAWAT TAON (BANSA)” (MOST MURDERS PER YEAR (COUNTRY)). Totoo! Maniwala ka man o hindi! At oo talagang nakamalaking-titik lahat ng mga ‘yan. Sabi ng aklat, mayroong 3,515 naitalang pamamatay-tao sa Pilipinas noong 2004 ayon sa Mga Nagkakaisang Bansa. Ilan kaya doon ang sa Pangulo? Hehehe.

Huling taon

Dahil, gaya ng aking sinabi, malamya ang pasko natin ngayon, at nakakatiyak akong sumasang-ayon kang talaga, magbabalik-tanaw na lamang ako sa mga nangyari isang taon nang nakakaraan. (Sisihin man natin ang pandaigdigang pananalaping pananalat o hindi.)

Nakatala ang kabuuan ng aking paglalakbay.

Disyembre 25, 2007

18:53 - Sumakay na ako sa tatgulong (tricycle) na papaalis ng aming nayon.

19:07 - Nakasakay na ako ng panlahat (bus) papuntang Kubao, Quezon mula Dasmariñas, Kabite. Dahil sa rami ng aming dala, nagbayad pa kami ng isang panibagong turok (ticket) upang may-mapaglagyan kami ng napakarami naming dalahin. PhP 105 ang aming binayaran (PhP 35 sa bawat tao).

19:24 - Naraanan namin ang Imus, Kabite.

19:44 - Naraanan  namin ang Bakoor, Kabite.

20:46 - Narating na namin ang Kubao. Ngayon naghahanap na kami ng isang sangil (taxi).

21:06 - Nakasakay na kami ng isang sangil papuntang tigilan ng mga panlahat papuntang Baguio; nagbayad kami nang PhP 67.50.

21:11 - Nakasakay na kami sa panlahat sa tigilan nitong narating namin gamit ang sangil; malapit lamang ang tigilang ito sa isang sangay ng Equitable PCI Bank, at ang panalahat na ito ang Victory Liner #1917. Nagbayad kami nang PhP 780 (PhP 340 sa bawat tao).

21:45 - Nalagpasan na namin ang Dambanang EDSA.

22:03 - Pinasukan namin ang NLEX.

23:00 - Nilisan na namin ang NLEX.

Batay sa aking panunuos at pagmamasid tumatakbo ang aming panlahat sa NLEX sa kalahatang bilis na 90km/h.

23:06 - Nakarating na kami ng Tarlak.

23:32 - Kapas, Tarlak

23:50 - Tumigil ang aming panlahat upang magpalagay ng disel.

Disyembre 26, 2007

0:33 - Paniki, Tarlak

0:37 - San Isidro, Bagong Esiha

0:59 - Rosales, Pangasinan

1:01 - Villasis, Pangasinan

1:30 - Urdaneta

1:46 - Tumigil kami sa isang kainan.

2:14 - Rosario, La Union

2:21 - Pugo, La Union

4:03 - Narating na namin ang tigilan ng Victory Liner sa Baguio.

6:30 - Sumakay kami ng sangil upang pumuta sa isa pang tigilan ng panlahat; isa itong tigilan ng Norton. Nagbayad kami ng PhP 40.

6:37 - Narating na namin ang tigilan. Nalaman din naming nagpalit na ng pangalan  ang Norton, at naging A-Liner. [nasa ibaba ang larawan ng tigilan]

 

[Kakaiba ang hugis ng simbahan ng Iglesia ni Cristo sa Baguio.]

9:24 - Sumakay na kami ng panlahat na A-Liner #AYJ199.

9:54 - Umusad na ang panlahat.

11:34 - Narating namin ang Ambuklao Dam km 291.

11:49  - Tumigil ang panlahat sa isang kainan. Napag-alamang nahulog sa raan ang bitbitin ng isa naming kasama.

 

12:10 - Muling umusad ang panlahat.

13:05  - Bumaba na kami ng panlahat sa babaan ng Bdk. Pulag.

 

[Makikitang ako ang pinakabata sa amin.]

13:10 - Narating na namin ang tanggapan ng DENR.

 

[itaas kaliwa → kanan:1) Ako sa tabi ng isang pabatid ng DENR. 2) Tatay ko habang hinahanda ang aming mga gamit. 3) Halamanan ng DENR. 4) Ang aming mga kasamahan. Baba: Ang tanawin mula sa tanggapan ng DENR.]

15:19 - Sinimulan na naming akyatin ang Bdk. Babadak na kapit-bundok ng Bdk. Pulag.

 

 

17:31 - Narating namin ang isang maliit na nayon sa Bdk. Babadak na tinatawag na “Palanza”. Namahinga kami roon.

17:47 - Nagsimula na kaming maglakad.

23:32 - Matapos ang ilang panahon ng paglalaka, amin nang narating ang kuta ng Bdk. Pulag. Namahinga’t natulog kami sa isang bahay doon. Mahirap kumuha ng pahudyat (signal).

Disyembre 27, 2007

[Sa kapaguran at pagkapuyat, natulog kami nang buong araw.]

Disyembre 28, 2007

1:09 - Nagsimula na kaming maglakad papunta sa tuktok ng Bdk. Pulag, ang pinakamataas na bundok sa Luson, habang pinapanganahan kami ng aming gabay, Niverra Lamsis,na binayaran namin ng PhP 500. [larawan sa baba]

 

2:17 - Narating namin ang unang kuta. [Makikita ang isang katutubong halaman.]

 

3:00 - Ikalawang kuta

6:00 - Narating na namin ang tuktok ng Bundok Pulag.

 
[Nauna kaming umakyat sa tuktok sa aming mga kasamahan dahil nauna rin kaming nagsimulang umakyat. Makikitang malamig sa tuktok. Inakala ko noong unang isang lawa ang nakikita sa aming likuran ngunit napagsabihan ako iyon pala’y mga ulap.]

 

8:48 - Kahit gaano ko pa naising magtagal, nilisan na namin ang tuktok ng bundok.

11:15 - Nakabalik na kami sa aming tuluyan.

18:46 - Sumakay na kami ng isang punung-punong dyipni pababa ng bundok.

19:25 - Tumuloy kami sa isang pabahay-naggagala sa Baguio. Nagbayad kami nang PhP 730.